勒索病毒解密服務
檔案俾人加密鎖死，後綴變成 .rox、.lockbit、.xor？唔好畀贖金住 — 先俾我哋免費評估。解密唔到唔收費。
開機發現所有檔案後綴變晒，仲多咗封勒索信？呢啲就係中咗勒索病毒。CentralComputer.hk 專門處理各類勒索病毒加密檔案 — 由常見嘅 .rox、.lockbit，到冷門嘅 .weax、.bixi，我哋都有處理經驗。記住：畀贖金係最後手段，而且好多時畀咗都攞唔返。
Ransomware Extensions
我哋處理過嘅加密後綴
以下只係一部分 — 就算你個後綴唔喺 list 上面，都歡迎拎嚟免費評估。
Our Services
解密服務內容
勒索病毒檔案解密
針對 .rox、.lockbit、.xor、.dlock、.taps、.enzo、.sorry、.bixi、.mkp 等加密後綴，提供專業解密及數據恢復方案。
緊急上門處理
中咗勒索病毒唔好慌，更加唔好自己亂搞。技術員可以緊急上門隔離受感染機器，防止病毒擴散去其他電腦同伺服器。
解密前免費評估
先分析病毒種類同加密方式，判斷可唔可以解密、成功率有幾高。評估免費，解密唔到唔收費，唔會收完錢先話你知唔得。
解密後安全加固
解密完唔等於完。要清除後門、修補漏洞、設定備份，先至唔會過兩個禮拜又中多次。
Process
解密四步曲
立即隔離，唔好熄機
拔走網絡線（唔好熄機，RAM 入面可能有解密線索）。千祈唔好自己 reinstall Windows 或者 format，咁做等於銷毀證據。
免費評估病毒種類
我哋分析 ransom note 同加密後綴，判斷係邊隻病毒家族、有冇公開解密工具、定係要逆向加密算法。
解密同數據恢復
用對應方法解密檔案，解密唔到嘅就用數據恢復技術盡量搶救。成個過程喺隔離環境做，唔會影響你其他系統。
驗收 + 安全加固
你逐個檔案驗收，確認開到先收費。之後清除病毒殘留、打齊 patch、設定自動備份，防止再中招。
千祈唔好做嘅三件事
- 唔好畀贖金住 — 超過三成受害者畀完錢都攞唔返檔案
- 唔好重裝系統或者 format 硬碟 — 等於銷毀解密線索
- 唔好喺同一部機上網 download 所謂「解密工具」— 好多都係二次感染
Case Study
真實案例
觀塘一間做物流嘅中小企，星期一朝早返工發現成個 file server 俾 .Devion 鎖死，十幾年嘅報關單同客戶資料全部開唔到。老闆第一反應係想畀 8 萬蚊贖金，我哋叫佢停一停，先做免費評估。
評估發現呢隻變種嘅 key 管理有漏洞，我哋用咗四日時間逆向出解密流程，救返超過九成半檔案。老闆一蚊贖金都唔使畀，慳返嗰 8 萬蚊之餘，我哋仲幫佢成個網絡做咗加固同 3-2-1 備份。到而家兩年，冇再中過。
— 觀塘某物流公司負責人（應要求匿名）
FAQ
常見問題
三樣嘢：第一，拔網絡線，唔好熄機；第二，唔好畀贖金住，好多時畀咗錢都攞唔返檔案；第三，即刻打俾我哋評估。之前有個做貿易嘅客，成個 server 俾 .lockbit 鎖死，佢差啲就想畀 5 萬蚊贖金，我哋評估完發現有解密方法，最後一蚊贖金都唔使畀就救返九成檔案。
唔係，要睇病毒種類。有啲舊病毒或者寫得衰嘅病毒有公開解密工具，成功率好高；有啲用標準加密算法但 key 管理差，都有機會；但有啲新變種用完善嘅加密，暫時解唔開。呢個就係點解要免費評估先 — 我哋會老實話你知得定唔得，唔得就唔收錢，唔會浪費你時間同金錢。
睇檔案數量同加密方式。幾百個檔案一般 1–3 日；成個 server 幾 TB 資料可能要一星期。緊急 case 可以加急處理，我哋試過幫一間診所 48 小時內救返病人資料系統，趕得切星期一開診。
三板斧：第一，打齊系統同軟件 patch，好多勒索病毒都係經已知漏洞入；第二，3-2-1 備份（3 份 copy、2 種媒介、1 份離線）；第三，員工培訓，九成入侵都係由一封 phishing email 開始。我哋解密完會幫你做埋呢啲加固，唔係下次又見面。
真嘅。評估免費，報價單列明解密成功先收費。如果評估完發現解唔開，或者解密過程中確認唔得，你一蚊都唔使畀。收費按檔案數量同複雜程度報價，開工前白紙黑字寫清楚，唔會有隱藏收費。